منتدى أبو خضرة - ســـلام لكل الناس
أهلا بك عزيزي/ عزيزتي .. لقد أسعدنا ان قمت بالتسجيل , بمشاركتك يمكن أن ينهض المنتدى ويتقدم , يمكنك المشاركة وأبداء الرأي والمقترحات .. يمكنك الكتابة بكل حرية , وسيكون في استقبالك اخوة وأخوات حريصين على التواصل معك لخدمة الصالح العام .. نحن في أنتظارك .. فأينما كنت .. نحن نرحب بك

منتدى أبو خضرة - ســـلام لكل الناس

مرحبا يا (زائر) خلينا سوا .. عدد مساهماتك 84
 
الرئيسيةالصفحة الأولىالتسجيلدخولالأسلام منهج للحياةالمجتمع المحليتسجيل دخول الأعضاء
 اللهم يا حي يا قيوم لا اله الا أنت برحمتك أستغيث لا اله الا أنت سبحانك أني كنت من الظالمين
ان هذا القرآن يهدي للتي هي أقوم

 

 
الشيخ عبد الرحمن السديس
الشيخ عبد الباسط عبد الصمد
 
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
جلالة الملك عبدالله الثاني

SmS

ان الاعمال والاجراءات

الاسرائيليـــة ضــــــــد المقدسات الاسلاميـــــة والقدس هي لعب بالنار وتجاوز للخط الاحمر !

-----------

وأكدت هذه المصادر أن الموقف الأردني المبدئي من قرار طرد الفلسطينين أنه يتعارض مع القانون الدولي الذي ينص على حق العودة، وأن الأردن لن يسمح تحت أي ذريعة بأن يتم طرد أي فلسطيني خارج أرضه لأن ذلك سيعطي شرعية لأي عملية تهجير جماعي للفلسطينيين باتجاه الأردن، وتطبيق فكرة الوطن البديل.

 

يا نـار مشبوبـه بروس
الجبــال
 يا نـار مشبوبـه
والرايات منصوبه وراسنا
 عالي والرايات منصوبه

 

المواضيع الأخيرة
» شركة كريازى للثلاجات 01273604050 موقع شركة كريازى
الأربعاء نوفمبر 16, 2016 7:23 am من طرف وايت ويل

» صيانة كريازى بالاسكندرية 01273604050 رقم خدمة عملاء كريازى 01118801699
الثلاثاء نوفمبر 08, 2016 6:49 am من طرف وايت ويل

» برنامج مشاهدة الكره الارضيه بكل وضوح EarthView 4.5
الثلاثاء نوفمبر 01, 2016 5:28 am من طرف كمال الزيتوني

» رقم صيانة كريازى بالمنوفية 01273604050 رقم صيانة كريازى بالقليوبية 01118801699
الأحد أكتوبر 16, 2016 6:31 am من طرف وايت ويل

» ولا تطع من أغفلنا قلبه عن ذكرنا ..
الخميس سبتمبر 08, 2016 5:31 am من طرف abu khadra

» المناسف والأنتخابات
الخميس سبتمبر 08, 2016 5:28 am من طرف abu khadra

» أهلا وسهلا ومرحبا
الخميس سبتمبر 08, 2016 5:24 am من طرف abu khadra

» ايوه صح ايوه هيك !!
الخميس سبتمبر 08, 2016 5:11 am من طرف abu khadra

» دعاء جميل مختصر
الخميس سبتمبر 08, 2016 4:33 am من طرف abu khadra

» معلومات مهمة عن تاريخ قرية الدوايمة المحتلة ،،،
الجمعة أكتوبر 23, 2015 5:52 am من طرف أحمد

» الحمد لله ما دام الوجود له ..
الأربعاء أكتوبر 21, 2015 11:07 pm من طرف أحمد

» صباح الخير ياللي معانا
الأربعاء أكتوبر 21, 2015 11:04 pm من طرف أحمد

كشــــــف الـــزوار
ترجمــــــة فوريـــــــــة
 
 
تونس الخضراء .. ثورة تشتعل
ليبيا .. تغسل جراحها بالدم
 
ليبيا .. الحرية أو الدم
 
البحرين .. ثورة بطعم شيعي
اليمن .. يصنع التغيير
تسونامي اليابان .. صور
هديتنا اليكم .. أفتح وشوف !
 
رجاء , التأكد من صحة الحديث
قبل المبادره الى نشره على النت
مواقــع صديقــه
صلاح أمرك للأخلاق مرجعــه
فقوم النفس بالأخلاق تستقــــم
 
المواضيع الأكثر نشاطاً
مضافة أبو ياسر : خطوة طيبة تثري المنتدى
حكمة اليوم / صباح الخير
اخبار سريعة
صباح الخير يلي معانا
صباح الخير ياللي معانا
جلسة وفاق ومحبة
رسااااااااااااااااالة عتاب ..
أفراح آل أبو خضره ،،،
أصبحنا وأصبح الملك لله
انت يللي تلعب بالمشاعر " 2 "

شاطر | 
 

 اصحي يا مصر ،،، (صبح الصباح)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: اصحي يا مصر ،،، (صبح الصباح)   الجمعة مارس 26, 2010 1:28 pm

هذه سلسلة رسائل مصرية أنشدها الشيخ إمام عيسى الغوري بصوته ، وصاغها الشاعر المصري الكبير أحمد فؤاد نجم ،،،،

لعلها تصل إلى القلوب :

رجعوا التلامذه

رجعوا التلامذة

يا عم حمزة للجد تاني

يا مصر إنتي اللي باقية

و انتــــــــــي

قطف الأماني

لا كورة نفعت

و لا أونطة

و لا المناقشة و جدل بيزنطة

و لا الصحافة و الصحفجية

شاغلين شبابنا

عن القضيـــة

قيمولنا صهبة يا صهبجية

و دوقونا طعم الأغاني

رجعوا التلامذة

للجد تـــــــاني



طلعوا التلامذة ورد الجناين

اسمع يا ميلص و شوف و عاين

ملعون أبوك ابن كلب خاين

يا صوت أميركا

يا أمريكانـــــــي

رجعوا التلامذة يا عم حمزة

للجد تانــــــــــي

يا مصر إنتي اللي باقية و انتــــــــــي

قطف الأمانــــي

القاهرة 20 يناير 1972
(أغاني الشيخ إمام وأشعار أحمد فؤاد نجم )
الرجوع الى أعلى الصفحة اذهب الى الأسفل
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: رد: اصحي يا مصر ،،، (صبح الصباح)   الجمعة مارس 26, 2010 1:30 pm

((( بقرة حاحا )))

ناح النواح و النواحة

على بقرة حاحا النطاحة

و البقرة حلوب

حاحا

تحلب قنطار

حاحا

لكن مسلوب

حاحا

من أهل الدار

حاحا

و الدار بصحاب

حاحا

و احداشرباب

حاحا

غير السراديب

حاحا

و جحور الديب

حاحا

و بيبان الدار

حاحا

واقفين زنهار

حاحا

و يوم معلوم

حاحا

عملوها الروم

حاحا

زقوا الترباس

حاحا

هربوا الحراس

حاحا

دخلوا الخوجات

حاحا

شفطوا اللبنات

حاحا

و البقرة تنادي

حاحا

و تقول يا ولادي

حاحا

و ولاد الشوم

حاحا

رايحين ف النوم

حاحا

البقرة انقهرت

حاحا

ف القهر انصهرت

حاحا

وقعت ف البير

حاحا

سألوا النواطير

حاحا

طب وقعت ليه

حاحا

وقعت م الخوف

حاحا

و الخوف ييجي ليه

حاحا

من عدم الشوف

حاحا

وقعت م الجوع

و من الراحة

البقرة السمرة النطاحة

ناحت مواويل النواحة

على حاحا

و على بقرة حاحا

1967
الرجوع الى أعلى الصفحة اذهب الى الأسفل
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: رد: اصحي يا مصر ،،، (صبح الصباح)   الجمعة مارس 26, 2010 1:34 pm

(((( الأولة بلدي )))))
------------------
الأولة بلدي

و الثانية بلدي

و الثالثة بلدي

الأولة بلدي باسلطن جو موالي و دا الموصوف

و الثانية بلدي باقول الكلمة بالعالي و ع المكشوف

و الثالثة بلدي ياكنزي و عزوتي و مالي و ملو الشوف



الأولة بلدي باسلطن جو موالي و دا الموصوف

دوا العيــــــــــــــــــــان

و الثانية بلدي باقول الكلمة بالعالي و ع المكشوف

و ف المليـــــــــــــــان

و الثالثة بلدي ياكنزي و عزوتي و مالي و ملو الشوف

آوانـــــــــــــــــــــك آن



تحدي الحد يا بلدي

ما بين الحق و البهتان

و رايتك تعلا يا بلدي

دليل عن صحة البنيان

و دا الموصوف

و الاولة بلدي

و الثانية بلدي

و الثالثة بلدي

القاهرة 1968
الرجوع الى أعلى الصفحة اذهب الى الأسفل
رمضان رجب أبوخضره



سلام لكل الناس
عدد المساهمات : 1763
السٌّمعَة : -308
تاريخ التسجيل : 28/10/2009
العمر : 64

مُساهمةموضوع: رد: اصحي يا مصر ،،، (صبح الصباح)   الجمعة مارس 26, 2010 9:07 pm

اغلى البلاد هي بلدنا
وكما قال الشاعر
وطنس لوشغلت بالخلد عنه نازعتني اليه بالخاد نفسي


وكل الناس لهم وطن يعيشون فيه الا نحن فلنا وطن يعيش فينا
الرجوع الى أعلى الصفحة اذهب الى الأسفل
شمس
مشرفه
مشرفه


سلام لكل الناس
عدد المساهمات : 1826
السٌّمعَة : -163
تاريخ التسجيل : 28/04/2009
العمر : 38

مُساهمةموضوع: رد: اصحي يا مصر ،،، (صبح الصباح)   الجمعة مارس 26, 2010 11:45 pm

وكل الناس لهم وطن يعيشون فيه الا نحن فلنا وطن يعيش فينا
اجزت وابدعت وبارك الله فيك والنصر قريب بأذن الله......

سنخوض معاركنا معهم
و سنمضِ جموعاً نردعهم
و نعيد الحقَ المغتصبَ
و بكل القوةِ ندفعهم
***
بسلاحِ الحقِ البتار سنحرر ارض الاحرار
و نعيد الطهر الى القدس من بعد الذل و ذا العار
***
و سنمضي نَدُكُّ معاقلهم بدوٍ دامٍ يقلقهم
و سنمحو العار بايدينا و بكل القوة نردعهم
***
لن نرضَ بجزءٍ محتلٍ
لن نترك شبراً للذلِ
سَتَمورُ الارضُ و تحرقهم
في الارض براكين تغلي
***
لن نرض بجزء محتل
لن نترك شبرا للذل
ستمور الارض و تحرقهم
في الارض براكين تغلي



سنخوض معاركنا معهم

شمس
الرجوع الى أعلى الصفحة اذهب الى الأسفل
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: رد: اصحي يا مصر ،،، (صبح الصباح)   السبت مارس 27, 2010 1:37 am

((( رسالة إلى الحدود ))) * باللهجة الصعيدية ،،،

واه يا عبد الودود

يا رابص ع الحدود

و محافظ ع اللظام

كيفك يا واد صحيح

عسى الله تكون مليح

و راجب للامام

أمك ع تدعي ليك

و ع تسلم عليك

و تجول بعد السلام

خليك ددع لابوك

ليجوا مين دابوك

و يمصخوا الكلام

واه يا عبد الودود

ع أجولّك و انت خابر

كل الجضية عاد

ولسة دم خيك

ما شرباش التراب

حسك عينك تزحزح

يدك عن الزناد

خليك يا عبده راصد

لساعة الحساب

أن الأوان يا ولدي

ما عاد الا المعاد

تنفض الشركة واصل

وينزاحوا الكلاب

عايزني أكون أبوك

بتديب لي ثار اخوك

و الأهل يبلغوك

دميعا السلام

واه يا عبد الودود

كيفك و كيف زمايلك

عسى الله طيبين

خالك زناتي داي لك

ضمن المطوعين

و اختك تطلع يوماتي

ع المستشفى الجديمة

حاكم ع يمرنوها ف العركة

تكون حكيمة

و محمدين موافي

يتعلم المطافي

ويجولك شد عزمك

ويجولك العوافي

ومن هنا الجرايب و العيلة و العيال

ع يبلغوك سلامهم و لتمتة الردال

و آخر الكلام نجولك في الختام

الله يصون بلدنا

و يحرص السلام

والدك حسن محارب

غفير برد الحمام

القاهرة يونيو 1967
الرجوع الى أعلى الصفحة اذهب الى الأسفل
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: رد: اصحي يا مصر ،،، (صبح الصباح)   الإثنين مارس 29, 2010 11:12 pm

غنوة للسلام

قد ايه القلب يعشق

لو سمع غنوة سلام

يا سلام

قد ايه الغنوة تحلا

لو بدينا بالسلام

يا سلام

قد ايه الروح تميل

و النغم يطلع جميل

و الوتر يوصل كلامه

للقلوب صافي و أصيل

قد ايه

و قد ايه

بس اقول ايه

و لا ايه



السلام دا كلمة خضرة

زي أوراق الريحان

ترتوي منها الشفايف

لما ينطقها اللسان



زوقوك الناس يا دنيا

بالكلام

عن السلام

و الكلام

غير الحقيقة

و العمل

غير الكلام

يا سلام



من هنا نبدى الكلام

يا صبابة يا مغرمين

كلنا نحب السلام

و السلام يحب مين ؟

السلام

بيحب نوره

و شوفوا نوره تبقى مين
الرجوع الى أعلى الصفحة اذهب الى الأسفل
القرش



سلام لكل الناس
عدد المساهمات : 665
السٌّمعَة : -156
تاريخ التسجيل : 03/08/2009
العمر : 33
الموقع : مصر

مُساهمةموضوع: رد: اصحي يا مصر ،،، (صبح الصباح)   الثلاثاء مارس 30, 2010 10:38 am

((( رسالة إلى الحدود ))) * باللهجة الصعيدية
احلى حاجة الناس الصعايدة على حق ربنا هما اللى حرروها .
واحلى تحية للاخ (احمد ) من اخوك القرش ...
يعنى الصعيد وناس الصعيد يعن سوهاج والمنيا وقنا واسيوط والاقصر واسوان يعنى الناس الجدعان.
والسلام دة جاى حاير طاير لافف البلدان...
والسلام عليكم ورحمة الله وبركاتة0 وشكراااااا
الرجوع الى أعلى الصفحة اذهب الى الأسفل
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: رد: اصحي يا مصر ،،، (صبح الصباح)   الثلاثاء مارس 30, 2010 10:52 am

حبيبي القرش زعلان منك خالص ومتكلمنيش واصل ،،،
بقى كده يا جدع بتغيب عنينا وبتقول عدّو ليه يا رجاله ،،،

طالت غيبتك علينا يا خال ،،، يا باي وحشتنا مووووت ،،،

أخوك أحمد الدوايمة (( على فكرة عقول الدوايمة تشبه أخوانهم الصعايدة علشان اكده بنحبهم عاد ))
الرجوع الى أعلى الصفحة اذهب الى الأسفل
القرش



سلام لكل الناس
عدد المساهمات : 665
السٌّمعَة : -156
تاريخ التسجيل : 03/08/2009
العمر : 33
الموقع : مصر

مُساهمةموضوع: رد: اصحي يا مصر ،،، (صبح الصباح)   الثلاثاء مارس 30, 2010 11:33 am

انا يشرفنى ان الدوايمة يشبهونا وانا لمست من كلامكم واسلوبكمالجدعنة وخفة ولاد البلد . وانا اعتذر لانى الفترة الماضية كنت مشغول جدا لاكن لا انسى المنتدى ابد واى وقت اكون فية معاكم بيكون اسعد اوقاتى .
وشكرا للجميع....
الرجوع الى أعلى الصفحة اذهب الى الأسفل
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: رد: اصحي يا مصر ،،، (صبح الصباح)   الثلاثاء مارس 30, 2010 11:39 am

أجدع ناس والله ،،، بنحبهم بصدق ومن كل قلبنا وبيدخلوا دماغنا سريع ،،،

حبيبي القرش شكراً لك لكن قريتنا الدوايمة لها حق عظيم في رقابنا والعربي ياخد ثاره بعد أربعين سنه ويقول أنا استعجلت ،،،

نحبكم ((يا أهل مصر عموما والصعايدة خصوصاً )) في الله ،،،
الرجوع الى أعلى الصفحة اذهب الى الأسفل
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: رد: اصحي يا مصر ،،، (صبح الصباح)   الأربعاء مارس 31, 2010 3:19 pm

((( الخواجة الأمركاني )))

الخواجة الأمركاني

و السماسرة اللي وراه

تخنوا بالكذب ودنه

و عرضوله مقاس قفاه

فهموه من غير ما يفهم

ان سوق الشرق مغنم

و الخواجة بطبعه مغشم

و المصاري معفرتاه

حب يعمل فيها تاجر



و يطلق يسلب و ينهب

ف الزباين بالنهار

يحدف الدولار يلمه

تلتميت مليون دولار

بالقزايز و البنات

باللبان

و البومبونات

بالمدافع و الدانات

أو بأفلام الرعات

قول بقى تاجر و فاجر



و انفلت لص المواشي

رعب ماشي ف البلاد

يشفط البترول و يطرش

كل ألوان الفساد

عزرائيل من غير فرامل

يقلب العرسان أرامل

حتى ف بطون الحوامل

كان يدبح الحياة

بالسناكي و الخناجر



و النهاية يا خواجة

من ف يوم كانت بداية ؟

البداية برضه لازم

بيجي يوم توصل نهاية

مهما زاد الرأسمال

الهلاك هو المآل

و التاريخ هو اللي قال

لعبت الموت ف الحيات

يسحب الروح ف الحناجر

القاهرة ـ يوليو 1967
الرجوع الى أعلى الصفحة اذهب الى الأسفل
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: رد: اصحي يا مصر ،،، (صبح الصباح)   الأربعاء مارس 31, 2010 3:21 pm

((( قيدوا شمعة )))

قيدوا شمعة يا أحبة و نورولي

رمشتين من رمش عين

و بيندهولي

من هنا سكة ملامة

من هنا سكة ندامة

سكتين يا للا السلامة

أمشي فين يا ناس قولولي

قيدوا شمعة و نورولي



رمشتين من رمش جارح

فوق عيون السحر طارح

زادوا نبض القلب حبة

بالأماني بالمحبة

و الأماني هناك بشوكها

طالعة فوق الشط دوكها

بتلاغيني

و تناديني

من بعيد

و تقول آديني

كان بودي

عايز أعدي



و الظنون بتقولي هدي

من هنا سكة ملامة

من هنا سكة ندامة

سكتين ياللا السلامة

أمشي فين يا ناس قولولي

قيدوا شمعة و نورولي



قيدوا شمعة يا صبايا

نورولي و طمنوني

بحر بيني و بين هوايا

موجه يشبه موج ظنوني

كل موجة شايلة شيلة

حلم ليلة

و فكر ليلة

عد موج البحر يا اللي

شفت حالي و قولي لخلي

كان بودي عايز أعدي

و الظنون بتقوللي هدي

من هنا سكة ملامة

من هنا سكة ندامة

سكتين يا اللا السلامة

أمشي فين يا ناس قولولي

قيدوا شمعة

و نورولي

مال يا قلبي العشق بينا

مال

و خالي البال يلومنا

مال وقال للشوق يجينا

في الليالي يقل نومنا



بين مسانا

و بين صباحنا

نصحى و الناس نعسانين

موعودين بالحرح يا احنا

و الدوى للموعدين

ايه دا كل يا قلبي ايه دا

شوف طريق العقل و اهدا

من هنا سكة ملامة

من هنا سكة ندامة

سكتين يا للا السلامة

أمشي فين يا ناس قولولي

قيدو شمعة

و نورولي

سجن القناطرـ مايو 1971
الرجوع الى أعلى الصفحة اذهب الى الأسفل
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: رد: اصحي يا مصر ،،، (صبح الصباح)   الأربعاء مارس 31, 2010 3:30 pm

((( شال الهوى )))

شال الهوى بينا

حط الهوى تاني

و احنا و السفينا

في بحر الأماني

عمي يا للي ماشي

ع الشط القريب

قوللي و انت ماشي

لأ و طيب

حبي راح ماجاش

مش حييجي تان

شال الهوى بينا

حط الهوى تاني

شال الهوى شاله

بان المستخبي

شاف قلبي نداله

يا عيني يا قلبي

حط الهوى شاله

خبى السحر عني

هو الهوى ماله

داير باله مني

كل ما يلاقينـــــــــــي

اشوف عينه تراعيني

كأنه بينادينــــــــــــي

أفوت أهلي و جيراني

شال الهوى بينا

حطالهوى تاني



شال الهوى شيلة

حطالهوى حطه

هما يوم و ليلة

كان فرش و غطى



شال الهوى بيا

من بين الحبايب

حط الهوى بيا

و أنا قلبي دايب

و التقيتني ماشي

أدور ما التقاشي

و اللي راح ما جاش

فكرني و نساني



شال الهوى بينا

حط الهوى تانى

شال الهوى بينا

رحنا عشمانين

حط الهوى بينا

جينا عطشانين

يا عشاق بلدنا

يا ولاد الغرام

لا رحنا استفدنا

و لا جينا بسلام

خدنا الهوى رحنا

و احنا زي ما احنا

و ارجعنا بجراحنا

و بحبة أماني

شال الهوى بينا

حط الهوى تاني

سجن القناطرـاغسطس1971
الرجوع الى أعلى الصفحة اذهب الى الأسفل
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: رد: اصحي يا مصر ،،، (صبح الصباح)   الأربعاء مارس 31, 2010 3:33 pm

(( عتبي يا قرش على أخوانا الأعضاء المصريين اللي قاطعوا المنتدى : فين أبو زياد وندى ومحمد ))

والله ليهم وحشة ،،،
الرجوع الى أعلى الصفحة اذهب الى الأسفل
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: رد: اصحي يا مصر ،،، (صبح الصباح)   الخميس أبريل 01, 2010 10:22 am

(((( كلب الست ))))

ف الزمالك من سنين

و ف حمى النيل القديم

قصر من عصر اليمن

ملك واحدة من الحريم



صيتها أكتر م الأدان

يسمعوه المسلمين

و التتر

و التركمان

و الهنود

و المنبودين



ست فاقت ع الرجال

ف المقام و الاحترام

صيت و شهرة

و تل مال

يعني في غاية التمام



قصره يعني هي كلمة

ليها كلمة ف الحكومة

بس ربك لجل حكمة

قام حرمها م الأمومة

و الأمومة طبع ثابت

جوه حوا من زمان

تعمل ايه الست

جابت فوكس رومي و له وان



فوكس دا عقبال إملتك

عنده دستية خدامين

يعني مش موجود ف عيلتك

شخص زيه يا اسماعين



و اسماعين دا يبقى واحد

م الجماعة الغلبانين

اللي داخو ف المعاهد

و المدارس من سنين



حب يعمل واد فكاكه

و يمشي حبه ف الزمالك

و القيامة و الفتاكة

يرموا طبعا ع المهالك

غم سمعه من قيامته

حب يعمل فيها فله

بعد ما ألوط بيجامته

اشترى حتة مجله



قول مش بيقراف حكاية

من حكايات الغرام

و اندماجه ف القرايه

خلا مشيه مش تمام



ع اليمين يحدف بعيد

خطوتين

و تروح شمال

لمحه فوكس من الحديد

قال دا صيد

سهل و حلال



هب نط ف كرشه دوغري

جاب بيجامته لحد ديلها

اسماعين بدال ما يجري

قال يا رجلي

رجلي مالها



بص شاف الدم سايح

من عاليها و من واطيها

و ياللي جاري

و ياللي رايح

المجلة مش لاقيها



حبه و تلمو الظنايا

اللي هما البوابين

و الهكايه و الروايه

قال لهم دا كلب مين ؟

كلب مين

ما كلب مينشي

سمعه لبخ حبتين

قال له واحد فيهم امشي

اللي جابك انده مين



قال دا شارع يا مواشي

للجميع

راكب و ماشي



كلمة من دا

و كلمة من دا

ظاطو و انقلبت فضيحة

قول نهايته و القصد من دا

اسماعين شرب الطريحة



راحو اسم الشرطة جمعا

و النيابة كفيلة بيهم

و اترموا ف الحجر طبعا

لما ييجي الدور عليهم

شاف بلاوي ما تنحكيش

م الهفايا المحبوسين

قال يا عالم

يا شاويش

يا نيابة .. يا مسؤلين



خلصوه بعد المناهدة

جثه

من جحر الديابه

هي يمكن ساعة واحدة

كان ف مكتب النيابة



قال له ـ مالك يا اسماعين

قال له ـ زي البمب مالي

قال له ـ عضك فوكس فين

قال له ـ سيبني أروح لحالي

انت شوف سي فوكس يمكن

خد تسمم غصب عني

الوكيل قال برضه ممكن

و الشاويش قعد يغني

هييص يا كلب الست هيص

لك مجامك ف البوليس

بكرة تتولف وزارة

للكلاب

ياخدوك رئيس

انت تسوى ف النيابة

تسعمية من الغلابة

طب يا ريت يا فوكس كنا

و لا تربطنا الجرابة



انت فين و الكلب فين

انت كده يا اسماعين

طب دا كلب الست يا ابني

و انت تطلع ابن مين



بشرى لصاحب الديول

ولــللي له أربع رجول

بشرى لسيادنا البهايم

من جمايس أوعجول

اللي صاحبه يا جماعة

له أغاني ف الاذاعة

راح يدوس فوق الغلابة

و النيابة

بالتباعة

هيص يا كلب الست هيص

هيص يا كلب الست هيص
الرجوع الى أعلى الصفحة اذهب الى الأسفل
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: رد: اصحي يا مصر ،،، (صبح الصباح)   الجمعة أبريل 23, 2010 11:04 pm

((( الجدع جدع )))

الجدع جدع
و الجبان جبان

بينا يا جدع
ننزل الميدان

و الميدان بعيد
عن جوف المدينة

يا تار الشهيد
ف الكنال و سينا

بحري و الصعيد
احنا أهله ادينا

أصلب م الحديد
ف الشدة تلاقينا

بالنار و السلاح
نرفع الكفاح

فوق كل العواصف
و هبوب الرياح

يسبق الليالي
و يجيب الصباح

يهزم الهزيمة
و يداوي الجراح

عايزين الصباح ؟
قدامكو الميدان

و الجدع جدع
و الجبان جبان

،،،،،،
1969

(( يسعد صباحك يا مصر يا أم الدنيا ))
الرجوع الى أعلى الصفحة اذهب الى الأسفل
القرش



سلام لكل الناس
عدد المساهمات : 665
السٌّمعَة : -156
تاريخ التسجيل : 03/08/2009
العمر : 33
الموقع : مصر

مُساهمةموضوع: رد: اصحي يا مصر ،،، (صبح الصباح)   السبت أبريل 24, 2010 10:37 am

احييك اخ احمد على هذا المجهود الرائع بصراحه من كتر حبى لحقبة عبدالناصر والسبعينات اهتميت جدا بقرائة هذة الابيات التى مازات تعيش فى وسطنا والتى تحكى عن ظلم الغلابة تارة والغربة تار والعدوان والنصر المجيد وسينا واالحدود. .
طبعا حاجه تشرف بس اللى نفسى اعرفة ...هل الرجاله لسه موجودة ولا ماتت فى 67 و73 سؤال؟
الرجوع الى أعلى الصفحة اذهب الى الأسفل
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: رد: اصحي يا مصر ،،، (صبح الصباح)   الجمعة مايو 07, 2010 11:02 am

بهية


المجموعة: يسبق كلامنا سلامنا يطوف ع السامعين معنا

عصفور محندق يزقزق كلام موزون و له معنى

عن أرض سمرة و قمرة

و ضفة نهر و مراكب

و رفاق مسيرة عسيرة

و صورة حشد و مواكب

ف عيون صبية بهية

عليها الكلمة و المعنى



المنشد: مصر يا أمة يا بهية

يا أم طرحة و جلابية

الزمن شاب

و انتي شابة

هو رايح

و انتي جية

جية فوق الصعب ماشية

فات عليكي ليل و ميه

و احتمالك هو هو

و ابتسمتك هي هي

تضحكي للصبح يصبح

بعد ليلة و مغربية

تطلع الشمس تلاقيكي

مفجبانية وصبية



المجموعة: الليل جزاير جزاير

يمد البحر يفنيها

و الفجر شعلة حتعلا

و عمر الموج ما يطويها

و الشط باين مداين عليها الشمس طوافة

ايدك ف ايدنا ساعدنا

دي مهما الموجة تتعافى

بالعزم ساعة جماعة

و بالاصرار نخطيها



المنشد: مصر يا أمة يا سفينة

مهما كان البحر عاتي

فلاحينك ملاحينك

يزعقو للريح يواتي

اللي ع الدفة صنايعي

و اللي ع المجداف زناتي

و اللي فوق الصاري كاشف

كل ماضي و كل آتي

عقدتين و الثالثة ثابتة

تركبي الموجة العفية

توصلي بر السلامة

معجبانية و صبية

يا بهية

المجموعة: و يعود كلامنا بسلامنا يطوف ع الصحبة حلواني

عصفور محني يغني على الافراح و من ثاني

يرمي الغناوي تقاوي

تبوس الأرض تتحنى

تفرح و تطرح و تسرح

و ترجع ثاني تتغنى

اللي بنى مصركان ف الأصل حلواني

1971
الرجوع الى أعلى الصفحة اذهب الى الأسفل
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: رد: اصحي يا مصر ،،، (صبح الصباح)   الجمعة مايو 07, 2010 11:05 am

القضية

الحكاية والرواية

و القضية والجناية

و الفانلة ف الجونلة

و المخدة ف الملاية

و الارادة

بالشطارة

و الخسارة

ع التكايا

و الأمين مهلباتي

و الأمانة مهلباية

و الصحافة مهلبية

و الاذاعة يا ضناية

ألف ليلة وليلة تندب

ع الهوى

و تقول هوايا

و المشايخ كل شايخ

ف الفساد

يهدي الهدايا

و القناعة

للجواععى

و البضاعة

للهبايا

و البوليس ف اليغمة طايح

بالطبنجة و العصاية

ديب غريب

من غير كمامة

يهبش التوب و العباية

و القضية

يا قضايا

بالمكايد و الوشاية

دبروها و فصلوها

بالمقاس

لبست قضايا

و العدالة بالندالة

عطلوها و هي جاية

و الحكاية و الرواية

و القضية و الجناية

الحكاية عايزة قعدة

و الكلام

ملوش نهاية



الحكاية ان البلد

مش ملك ناسها

و الخلايق ف البلد

مش مالكة راسها

و البلد أصلا

بلدنا مش عليلة

البلد علتها جاية

من خرستها



شوف يا صاحبي

ما انت شايف كل حاجة

بس خايف



الحقيقة بنت كلمة

و الكلام لازم يدور

سندباد مواله عالي

ف المداين .. و الكفور

الكلام الكلام

يكسر القيد و اللجام

الكلام الكلام

يدفع الناس للأمام

شوف يا صاحبي

هي كلمة

دايرة ف وسط الزحام



البلد مش عايزة قعدة

و كل منهو بكلمتين

البلد عايزة المجاهدة

باللسان

و بالادين

كلنا و من غير معهادة

للبلد علينا دين

يكبسونا

يحبسونا

يضربونا كرباجين

البلد سامعة و شاهدة

و كل خرم قصاده عين

1969
الرجوع الى أعلى الصفحة اذهب الى الأسفل
أحمد
عضو نشيط


سلام لكل الناس
عدد المساهمات : 2401
السٌّمعَة : -667
تاريخ التسجيل : 08/01/2010
العمر : 38

مُساهمةموضوع: رد: اصحي يا مصر ،،، (صبح الصباح)   الجمعة مايو 07, 2010 11:10 am

السندباد

حكيم عليم مخلص جسور

طاير على جناح العصور

داير كما يدور الدولاب

و را التاريخ من الجدور



يطلع جبال

يقطع شعاب

يغوص ف أغوار البحور



ينبش بعينه ف الكتاب

يقر الشواهد ع القبور



و لما عاد السندباد

رمى السلام و قال كلام

و اسمع كلامه و حلله

تلقاه بسيط من أوله

تعمل حويط و تأوله

تطلع غشيم

قال الحكيم

العمر ماشي و كل ماشي و له مداه

و كل فرد و له بدايته و منتهاه

الشعب هو الباقي حي

هو اللي كان هو اللي جي

طوفان شديد لكن رشيد

يقدر يعيد صنع الحياة

و الشعب لما يقول يا أصحاب العقول

نسمع و نوعى و نحترم صوت الاله

1970
،،،،،،،،،،

((( إنَّ الله لا يغيّر ما بقوم حتى يغيّروا ما بأنفسهم)))

إذا الشعب يوماً أراد الحياة ********** فلا بد أن يستجيب القدر ،،،
الرجوع الى أعلى الصفحة اذهب الى الأسفل
 
اصحي يا مصر ،،، (صبح الصباح)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أبو خضرة - ســـلام لكل الناس :: منتـــــدى القصــــــــة والأدب والشعـــــــــــــــــر :: ديــــــوان الشعـــــــــراء-
انتقل الى: